Dangos y cerdyn coch i hiliaeth

Lansio 'Cerdyn coch i hiliaeth' gwesty bro morgannwg

10 Hydref 2005

Ryan Giggs The Trefnodd Grwp Llywio 'Cerdyn Coch i Hiliaeth' bod yr ymgyrch yng Nghymru'n cael ei lansio yng Ngwesty Bro Morgannwg ar 10 Hydref 2005.

Gwahoddwyd gwesteion o'r sefydliadau partner - UNSAIN, Undeb Cenedlaethol yr Athrawon, Undeb Amaethwyr Cymru, Ymddiriedolaeth Undeb Amaethwyr Cymru, Cyngor Chwaraeon Cymru a Llywodraeth Cynulliad Cymru i'r lansiad, yn ogystal â dwy ysgol leol.

Yno hefyd 'roedd y pêl-droedwyr Neil Cox a Tariq Khalil o dîm pêl-droed Dinas Caerdydd a Roberto Martinez, Izzy Iriekpen, Leon Britton a Garry Monk o dîm pêl-droed Dinas Abertawe. Roeddem yn hynod o lwcus bod tîm pêl-droed Cymru'n aros yn y gwesty ar y pryd cyn eu gêm ragbrofol Cwpan y Byd yn erbyn Azerbaijan, felly daeth John Toshack, Rheolwr Cymru a'r chwaraewyr rhyngwladol Ryan Giggs o Manchester United a Jason Brown draw hefyd.

Ryan Giggs Y siaradwr gwadd yn y lansiad oedd John Griffiths, Aelod Cynulliad Cymru dros Ddwyrain Casnewydd, sydd wedi rhoi ei gefnogaeth lwyraf i'r ymgyrch, ar ran Llywodraeth y Cynulliad.

Chwaraewyd fersiwn Cymru o DVD yr ymgyrch 'Cerdyn Coch i Hiliaeth', cyn gofyn i'r plant ysgol a oedd yn bresennol a oeddent am holi'r pêl-droedwyr.

Gofynnodd nifer o'r plant i'r chwaraewyr pa brofiad o hiliaeth yr oedden nhw wedi ei wynebu fel plant, oedolion a phêl-droedwyr.

Rhoddodd Ryan Giggs, yn arbennig, ddarlun clir iawn o'r anawsterau a wynebwyd ganddo ef. Roedd hyn yn destun syndod i nifer o bobl, gan nad yw Ryan, sydd o waed cymysg, yn amlwg yn ddu. Roedd y chwaraewyr eraill hefyd yn agored a gonest iawn am eu profiadau, a sut y bu iddynt ddelio â nhw.

Yn dilyn y sesiwn holi ac ateb, gwahoddwyd y plant i ddod i gael llofnod y chwaraewyr.

Cafwyd ymateb da iawn i'r digwyddiad ac i'r DVD yn arbennig, gyda'r sefydliadau partner yn fwy ymroddedig fyth i sicrhau bod yr ymgyrch 'Cerdyn Coch i Hiliaeth' yn profi'r un llwyddiant yng Nghymru ag y gwnaeth mewn rhannau o Loegr a'r Alban.

Report by Dawn Hayes