Read this story in English

Dangos y cerdyn coch i hiliaeth

Lansio poster a DVD dinas caerdydd

16 Chwefror 2006

Lansiodd SRTRC y fersiwn Gymraeg o'i DVD a phoster Dinas Caerdydd newydd yn llwyddiannus ym Mharc Ninian ar 16 Chwefror.

Mynychwyd y lansiad gan blant Ysgol Gynradd Trelái yng Nghaerdydd yn ogystal â chyn-chwaraewyr Dinas Caerdydd Gary a Dave Bennett a chwaraewyr heddiw, y Capten Darren Purse a'r amddiffynnwr Neil Cox.

Ar ôl dangos y DVD i'r plant, cawsant gyfle i holi'r chwaraewyr am eu profiad o hiliaeth yn y byd pêl-droed. Bu Gary a Dave yn disgrifio'n union yr hyn a ddigwyddodd iddyn nhw ac yn rhoi cyngor i'r sawl a oedd yno am sut i ddelio â phroblemau eu hunain. Cyfeiriodd Gary hefyd at yr angen i herio pob math o wahaniaethu, gan gynnwys gwahaniaethu ar sail diwylliant a chrefydd.

Dywedodd Darren a Neil fod angen i bobl herio hiliaeth ble bynnag y byddant yn dod ar ei thraws a dweud eu dweud yn ei herbyn.

Yn y digwyddiad hefyd yr oedd Luke Clements sef enillydd rhanbarthol Cymru yng nghystadleuaeth poster SRTRC. Enillodd Luke grys Manchester United ac ymweliad â maes Old Trafford am sesiwn hyfforddi gyda Rio Ferdinand ar 14 Mawrth. Tynnwyd llun Luke gyda'r holl chwaraewyr a oedd yn bresennol.

Wedi'r ffurfioldeb, daeth yr holl blant a fu'n gofyn cwestiynau i gael eu llun gyda'r chwaraewyr a chael taith o amgylch Parc Ninian; yna, bu'r chwaraewyr yn llofnodi copïau o'r poster newydd i'r plant fynd â hwy adref.